martedì 10 marzo 2009

Coladas sas eletziones, torramus aunidos pro sa limba

In un’artìculu de carchi die faghet in Diariulimba, Roberto Bolognesi narat una cosa giusta, in mesu de àteras giustas issas puru: “Immoi benit mali meda a torrai a acapiai is amigantzias e is alliantzias chi serbint po mandai a innantis sa pelea nostra”. No isco si, su chi so a puntu de nàrrere, est a gradu de torrare amighèntzias e alliàntzias. E però deo bi provo, moghende dae unu cussideru meu pessonale.
Roberto narat chi deo apo votadu a Cappellacci/Berlusconi. Chi unu natzionalista-soveranista che a mia apat botadu su capu de su guvernu italianu, est una cosa chi non bi pìtzigat ne a muru ne a gianna. E si in mesu de sa pelea eletorale, totu est cussentidu, finas a nàrrere chi sos sardos deviant isseberare intre Soru e Berlusconi, agabadas sas eletziones, sa propaganda la podimus finas pònnere a un’ala. Renato Soru no at telefonadu a Berlusconi pro si cuntentare de sa bìnchida de sas eletziones: s’est sapidu chi aiat bintu Cappellacci. E s’ex vitze presidente de su Guvernu sardu at integradu sas craes de Villa Devoto no a Berlusconi si no a Cappellacci.
At a èssere Cappellacci a guvernare, in bonu o in malu l’amus a bìdere, sa Sardigna. Deo l’apo botadu? “Tecnicamente” eja, ma est un “effetto collaterale”. Su matessi chi aiat tentu su votu de unu de su Pdci pro Soru e su muntone de ex democristianos chi abitant su tzentru manca; o unu comunista de Rifondatzione votande pro su partidu de Di Pietro, chi sa manca no ischit mancu a cale ala istat. “Effetto collaterale” duncas de un’issèberu, su meu, de torrare a votare Partidu sardu de pustis chi, in su 1989, s’impostada de bator o chimbe tiradores francos de s’alliadu suo Pci, ait fatu botzare sa prima lege pro sa limba sarda.

Sighi a lèghere

Nessun commento: