"Una lege regionale noa subra sa limba, una televisione digitale in sardu in Internet e un'apellu a sos giòvanos pro faeddare sa limba semper e in totue. Sunt custas sas propostas chi su Presidente de sa Regione at fatu ischire in die de oe in Casteddu sende presente finas s'Assessora de s'Istrutzione Pùblica Maria Antonietta Mòngiu." Cumintzat gasi su primu comunicadu pro s'istampa essidu dae su Guvernu sardu dae cando b'at sa Regione autonoma de Sardigna.In su situ meu, podides lèghere su papiru e b'agatare su link a un'àteru documentu de importu: sa reunione de sos Ufìtzios pro sa limba sarda in uve belle totus, dae sos responsabiles de sos ufìtzios a su presidente Soru, ant faveddadu in sardu.
1 commento:
Cheria petzi sinnalare chi sa die finas s'Ansa, sa prus manna de sas agentzias giornalìsticas italianas, at fatu unu "lancio", comente si narat in italianu, in sardu. Custu puru creo chi siat sa prima bia e lassat isperare bene.
Lu pòngio inoghe e nde aprofito pro fàghere sos cumplimentos a custi blog chi est semper interessante meda.
Pepe Coròngiu
LIMBA: DERETU DISINNU LEGE GIUNTA PRO FAEDDARE IN SARDU
(V. 'LIMBA: SORU ANNUNCIA DISEGNO LEGGE...' DELLE 19:02)
CASTEDDU
(ANSA) - CASTEDDU, 18 APR - Una lege regionale noa subra sa limba, una
televisione digitale in sardu in Internet e un'apellu a sos giovanos pro
faeddare sa limba semper e in totue. Sunt custas sas propostas chi su
presidente de sa Regione at fatu ischire in die de oe in Casteddu sende
presente finas s'assessora de s'Istrutzione Publica Maria Antonietta
Mongiu. Su presidente de sa Regione, Renato Soru, at faeddadu oe in
s'adobiu de sos Ufitzios de Sa Limba de totu sa Sardigna, in sa sala
Cosseddu de s'Ersu de Casteddu. In concluos de sa dibata, pustis de aere
ascurtadu sos parres de sos operadores de sos Isportellos Linguisticos,
at fatu ischire chi sa Giunta Regionale at a presentare deretu unu
disinnu de lege subra sa politica linguistica de imbiare a su Consigiu
Regionale pro l'aprovare in antis chi acabet sa legisladura. Soru at
finas naradu chi b'at a essere, dae sa Regione, prus apentu pro
afortiare sa sa presentzia de sa limba in sos medios de comunicatzione.
Su presidente, in sa relata sua, at marcadu in prus chi est pretzisu de
pedire a sa Rai de faghere finas in Sardigna unu canale regionale
bilingue, comente est gia costadu in Friuli. Finas sa lege proposta dae
su presidente diat essere fata sighende s'esperiéntzia friulana. Custu
seberu diat essere finas prus fatzile sende chi sa Rai, sighende
un'acordu intre Ministeru de sa Comunicatzione e Regione, at fatu
intrare sa limba sarda in sos programmas de Radio Uno pagu tempos como.
Su presidente de sa Regione at galu propostu a sos ufitzios linguisticos
de traballare paris cun sa Regione pro ponnere in opera una televisione
digitale in limba in Internet chi si diat podere ponnere in sos sitos
ufitziales de sa Regione. Soru at fatu sa relata sua totu in sardu e at
acabadu mentovende chi sa limba si salvat mescamente cando si faeddat e
at cumbidadu sos giovanos de sos ufitzios a faghere gasi semper e in
onni logu. In Sardigna bamus a die de oe 198 ufitzios linguisticos e sos
chi bi traballant sunt pro su prus giovanos. Sos finantziamentos
protzedint dae su Dipartimentu de sos Afares Regionales pro more de sa
lege 482 de su 1999. (ANSA).
> VA/ > S41 S04 QBXQ
Posta un commento