venerdì 10 luglio 2009

Toponomàstica e polìtica linguistica in Sardigna



Prus de 1600 pessones ant firmadu una decreratzione pro nàrrere chi “sa limba sarda e sas àteras limbas reconnotas dae sa L.R. n.26 e dae sa L. 482, gadduresu, tabarchinu, tataresu, catalanu de s'Alighera, devent tènnere ufitzialidade prena e efetiva in cada àmbitu e usu in sa sotziedade e in su territòriu”. (Sa decraratzione s’agatat inoghe e a chie cheret la podet firmare). No est unu caminu punta a giosso, ma est pretzisu de l’imbucare si cherimus chi sa limba sarda (paris cun sas àteras bator faeddadas in Sardigna) si sarvet e crescat.
Cras e domìnica, comente custu blog at giai iscritu, b’at a àere in Orosei un’addòviu regionale chi podet èssere su primu passu ghetadu cara a s’ufitzialidade. S’at a arresonare de polìtica linguìstica, de su chi tocat a fàghere pro amparare sas limbas de Sardigna e s’at a chistionare de toponomàtisca chi no est petzi un’abbentu pro istudiosos pro ischire sos nùmenes de sos logos sardos. Dae cue tocat de mòghere pròpiu pro fàghere su chi pedit sa decraratzione numenda inoghe: fàghere a manera chi sas limbas de Sardigna siant reconnoschibiles in totue.
No est unu caminu fatzile, ma est de importu mannu chi sa Regione siat in gana de lu cumintzare.
Lorenzo Vacca, cun s’autoironia chi li deghet a chie istimat sa limba sarda, at interpetradu a sa moda sua sa chistione de sa toponomàstica in Sardigna.

2 commenti:

Dàvide Corda ha detto...

Deo no b' apo a poder esser pro impìnnios universitàrios e mi dispraghet. Mi racumando ammentadeli a s' assessora de sa lege e de s' istandard, pro chi totu su traballu fatu in sos annos colados non si nche perdat.

sardus filius ha detto...

unu interpretat a manera sua sa toponomastica, s'ateru sas legges, no paret chi siat ancora intradu in conca 'e sa zente chi s'istandardizzazione de sa limba nos hat fattu perder' totu sos finanziamentos previstos da s'Unione europea in tema de tutela 'e sas minorantzias linguisticas istoricas.
Su 'e s'uficialidade de sa limba est una linea chi est bessida da su cunvegnu internazionale de istudios chi s'est fattu in Casteddu (hotel Regina Margherita) in su mese de Santu 'aine 2007, chi s'est riveladu una vera e propria truffa no essendebei perunu tituladu a chistionare in termines de "impreu giuridicu 'e sa limba". Su chi nd'est bessidu fora est brigonza solu a lu narrer' bidu chi si registran' boghes de academicos chi ancora paren' chi no han' cumpresu ite ch'hepat sutzessu e ite hepan' causadu sas politicas de s'uniformazione induta.
Tzeltu chi totu 'alet, fioridu e ricamadu comente si presentat, cando si eliminan' sas boghes contrarias.
Mi dispiaghet, devo narrer' sa veridade, de leger' e intender' custas posiziones, ca cheret narrer' chi no s'hat fatu perunu passu po superare sas politicas chi, in custos annos han' fattu registrare totu su fallimentu istandardizadu.
A mie mi paret chi tochet de partire da sa MINORANTZIA LINGUISTICA ISTORICA, defininde ite siat e inue s'agatat su quadru, ca, cando hamus a cumprender' comente sun' organizadas, hamus a cumprender' chi in Sardigna no s'hat fattu "unu dannu" ma 5!
Si a dogni minoranzia linguistica ispetat una quota de finanziamentu, a sos sardos nde lis diat a dever' benner' 5, ma, sighinde custa linea, no nd'arrivat manc'unu e sos operadores chi in Orosei inscenan' sa farsa piedosa de sos disocupados chen'ispera e prospettiva, pianghen' miseria. No so' e no hap'a esser' in Orosei ca no tenzo per'un impignu e manc'una possibilidade economica de bi poder' imbater'. Hapo pensadu finas de m'organizare in saccu a pelo e de partire, bidu s'interessu chi rapresentat s'atopu, ma so' arrivadu a cungruer' chi, si faghen' pagare po andar' a mare, siat finas vedadu a drommire in "s'albergo 'e sa luna"!
Su chi mi prego est chi fetedas bonas riflessiones, cun s'ispera chi caligunu dotadu de un undza 'e bonu sensu potat illuminare sa bona volontade chi sun' mustrende s'Assessor''e sa PP.II. e su Presidente chi devet serrare sa sessione de sos tribaglios!