sabato 14 maggio 2011

Cras eja contra a su nucleare in Sardigna

Cras e lunis in Sardigna si botat chi eja o chi nono a su fraigu de tzentrales nucleares e de giassos in uve pònnere s'arga atomica insoro. Est sa prima bia chi, a su chi isco, sos eletores sunt mutidos a leare unu pessu de gasi e siat in Itàlia e siat in Europa. Ma est finas sa prima bia chi in Sardigna b'at una unidade gasi manna pro un'issèberu chi pertocat sa soverania de su pòpulu sardu: totu sos partidos polìticos, totu sos moimentos culturales e polìticos, totu su Parlamentu e totu su Guvernu de Sardigna sunt de acordu pro nàrrere chi eja a sa pregunta fata: “Sei contrario all’installazione in Sardegna di centrali nucleari e di siti per lo stoccaggio di scorie radioattive da esse residuate o preesistenti?
Su traballu de su Comitadu règhidu dae Bustianu Cumpostu est istadu a primore e, una bia in sa bida, finas sos medias sardos sunt istados cumpatos bene informende sos eletores. Su guvernu sardu at fatu una cosa dèghida aunende su referendum cun sas botatziones in sas 97 comunas sardas. Totu, o de gosi o de gasi, punnat a una resessidas bona meda de su referendum de cras e de pustis cras. Ma no est gasi: pròpiu sa seguràntzia chi sa resessidas est a sas bistas podet trampare. Arguai a pensare “no at a èssere su botu meu su chi at a èssere pretzisu”. Brincare su 33 pro chentu de su belle milione e mesu de eletores sardos non est gasi punta a giosso, mescamente de pustis s'abusu fatu de referendum in uve cosas de gabale si sunt mesturadas a minutallas, infadende belle a totus.
Mancu si andant a botare totu sos 313.929 interessados a sas eletziones comunales ant a bastare, bi cherent nessi mesu miliones de pessones chi andent a botare.

4 commenti:

maimone ha detto...

Aho' Gente

Word vuol dire PAROLA e non MONDO che si scrive world

gigi sanna ha detto...

Ajo, amigos, cumpanzos, frades! Una sola bandera mi! Est sa prima 'orta in s'Istoria de s'Isula nostra. Unu SI, unu SISSA, unu EMMO mannu cantu su 'Ennargentu. Fortza Paris: custa populos est s'ora...

zuannefrantziscu ha detto...

Sa neghe est mea, apo postu su logo isballiadu, A perdonare

giorgio nuvoli ha detto...

Ho fatto il mio dovere di buon sardo. Mi da fastidio che il TG1, ho visto solo quello, abbia parlato di come votare, ma sul referendum in Sardegna non abbia sprecato mezza parola.
E mi dovrei sentire italiano? Questa è una delle tante che l'Informazione pubblica italiana ci regala.
Pier Paolo Olla