S’Assemblea territoriale de sa Còrsica (comente a nàrrere su Consìgiu regionale de inie) at botzadu cun 28 botos contra a 19 sa motzione chi pediat pro sa limba corsicana s’istatutu de ofitzialidade. Presentada dae M. Jean-Guy Talamoni a contu de “Corsica nazione indipendente” sa motzione moghet dae su cunsideru chi a su nàrrere de sa Cunventzione de sos deretos de s’òmine e de sas libertades fundamentale de su Cunsìgiu d’Europa “su deretu de praticare una limba regionale o de minoria in sa bida privada o pùblica est unu deretu non sugetu a prescritzione”.Presentende su documentu, Talamoni (inoghe s’interventu suo in frantzesu e corsicanu) at amentadu puru chi su Comitadu issientìficu numenadu pro esaminare s’istadu de sa limba at naradu chi unu istatudu de ofitzialidade est pretzisu si si cheret chi su corsicanu sigat a si la campare. Sa maioria de sos consigeris regionales corsicanos no est istada de custu pàrrere e ant botadu contra.
In sa foto: su palatzu de s'assemblea corsicana
Si s'istadu Frantzesu de limba d'OIL si ch'at manicadu sa limba d'Oc, chi fit e d'est galu una limba ricca e faeddada e iscritta dae prus de duos milliones de Occitanos, pensades chi podiat riconnoscher uffitzialidade a su corsicanu, faeddada da una chentina de mizas de isulanos? E comente in Sardigna peri in Corsica sun sos canes de sutta mesa (chi podimus mutire "Frantzesotas"), sos inimicos de custa limba de minoria. Larentu
RispondiElimina