S'Assessoradu de s'istrutzione pùblica at ghetadu su bandu a sas elementares e a sas iscolas segundàrias (primu e segundu gradu) pro chi amanient progetos de isperimentatzione pro imparare sas limba sarda in oràriu normale de letzione. Ant a èssere finantziados progetos chi promovant sa difusione de su sardu in sas iscolas e chi, semper e cando siat pretzisu, impreent figuras professionales esternas a gradu de imparare a iscolanos e istudentes sa limba sarda.
Su bandu pertocat sia su sardu siat sas àteras limbas alloglotas de Sardigna, su cadalanu de s'Alighera, su tabarchinu, su turritanu e su gadduresu. Cada progetu – narat su bandu – at a dèpere prevìdere unu mastru ùnicu chi impreet in sas letziones petzi sa limba sarda veicolare cale chi siat sa matèria de insinnamentu. Sos cursos depet durare nessi 24 oras, partzidas in duas oras sa chida a su mancu, pro tres meses.
Sas letziones ant a pòdere èssere fatas dae su mastru o dae su professore titolare o finas dae un'espertu de foras. In ambas sas ocurrèntzias su chi faghet letzione devet èssere de limba materna sarda o tènnere una cumpetèntzia ativa e passiva de sa limba sarda (o de sas àteras in ue sunt faeddadas). Sas propostas s'ant a dèvere presentare intro de su 29 de Santugainu de ocannu.
B'at 50 miza de èuros pro atuare custu disinnu de sa Regione. Est pagu meda, comente si podet cumprèndere, ma, comente si narat, su pagu est meda meda de prus de su nudda.
So de acordu chi pagu est menzus chi nudda. Creo peroe chi sa batalla pro sa limba si depet cunfrontare cun ateras maneras de la ponner a campu.
RispondiEliminaUn esempiu.
Appo lessu forsis in ritardu su pianu triennale pro sos emigrados sardos in su giornale istampadu in 80.000 copias dae sa Regione, Sardigna Emigrada.
Est tottu in italianu francu sa solitas poesiolas. Nudda est in sardu, mancu un'articulu.
In italianu si podet lezere in su pianu triennale chi sa limba sarda pro sos emigrados no esistit, no bi sun programmas, ideas, finantziamentos chi sian coerentes cun su fattu chi sos emigrados sun emigrados de sa minoria limbistica sarda tutelada da duas lezes, sa rezonale e sa leze de atuatzione costitutzionale de s'art.6 . Pro custu fattu elementare dian essere suzetos a sos interventos de tutela a su mancu pro no ismentigare la limba materna e pro no la fagher ismentigare a sos fizos o nepodes issoro.
Bi sun puru meda iscritore il limba sarda, poetes, trauidores dae sas limbas de su logu chi los at accollidos in sardu e viceversa.
Peroe in su pianu triennale de sa Rezone pro s'emigratzione b'est sa previsione de interventos pro sa limba italiana.
Pro non fagher ismentigare s'italianu a sos emigrados nostros.
Deo pesso chi custos interventos sian de responsabilidade de s'Istadu cun sos organismos e finantziamentos suos e no de sa Rezone sarda.
Ma deo no faco oppositzione peruna, m'andat bene. Pedo peroe su mattessi derittu e atentzione pro sa limba sarda e sas ateras de Sardigna.
Tando depet esser posta cun d'unu emendamento in intro de su pianu triennale una parte dedicata a sa limba sarda e in sas previsiones economicas adatos finantziamentos.
Custu si podet fagher fintzas dae sìassesoradu a su tribaglie et emigratzione in sinerzia cun s'assessoradu a sa cultura chi trattat de sa limba ma est claru chi sas politicas de sa limba non poden esser de unu o duos asessorados ma postas in capbu a sa Presidentzia ca interessan tottu sas atividades de sa Sardigna.
@ Mario
RispondiEliminaSa chistione est pròpiu in uve la pones tue: pro balente chi siat un'assessore (e custu carchi cosa chi no andat la tenet), su guvernu de sa limba e de sa cultura - pensamus a sa richesa de sos benes culturales - non podet èssere a poderiu de una persone e bia.
Custu, Soru l'aiat cumpresu ma non de nde fàghere una chistione istitutzionale, nd'aiat fatu una cosa sua. At cuntratadu sa Lsc a sa sola, a sa sola at brigadu cun sas duas universidades. Non podet èssere, gasi la penso, unu fatu illuminista: o su guvernu de sa limba si faghet istitutzione e non b'at remèdiu.
Mancari gasi, e so cuntentu chi la penses che a mie, mègius custos 50 miza de èuros (su mesu de unu finantziamentu pro unu festival) ma non su nudda.
Dae su pagu paghedhu dae su nudha niènte. Beru ca chimbanta miz'euros sunu nudha etotu, perou onzi abba rucrat sidi, bastat chi non sian abbas luadas. Est a biere a chie totu an a andhare cussos euros.
RispondiEliminaAssumancu, mancari amigos de sos amigos, chi sian a gradu de lu poder'imparare su Sardu a sos pisedhos.
Deo so cuntentu meda po custos 50.000 èuros chi custa giunta ha destinadu a su sardu in sas iscolas. Peroe a l'ischides cantu at destinadu a s'inglesu in sas iscolas?
RispondiElimina8.302.300,00 èuros.
http://regione.sardegna.it/documenti/1_27_20100216104400.pdf
In campagna eletorale custos aiant nadu chi unu de sos puntos fundamentales de su programma insoro fit sa limba sarda in sas iscolas.
Mi metto nei panni degli scolari ed immagino la resistenza di molti italo-parlanti (specie nelle Coste o nei grandi centri) a studiare una lingua talvolta considerata "vecchia ed inutile". E mi domando così se comunque questo poco che viene introdotto nel nulla sia necessario o meno a salvare la lingua. Penso che la lingua sia uno di quegli elementi identitari che necessita di sistema per poter essere accettata, quindi dovrebbe essere presente anche sui media ed in altri contesti che attraversano la quotidianità del soggetto (anche libri/sport/giornali/ecc). Senza una politica di sistema quindi per la lingua, non scommetterei molto sul risultato finale di questo progetto. Ma appunto...menzus de su nudda...
RispondiElimina